السبت 24 نيسان 2021

في كل العناوين، تحداكم جبران باسيل اليوم.
في موضوع القضاء، تحداكم: “هلّق شايفين القاضية غادة عون متمرّدة على القضاء، ومش شايفين المصرف المركزي متمرّد على التدقيق الجنائي؟ ووين اموالكن يا لبنانيين؟ مين أخذها؟ مين حوّلها؟ غادة عون وجبران باسيل و ميشال عون؟ أو المتحكمين بالمال وبالبلاد؟”
في موضوع وزارة الطاقة تحداكم: “انا جبران باسيل ووزراء التيار السابقين منتحدّاكم تدّققوا بوزارة الطاقة من الـ 90! بايّامنا ما في الاّ كلفة دعم الكهرباء يلّي انتو قرّرتوها بحكومة الشهيد رفيق الحريري سنة 94 ورفضتوا تتراجعوا عنها رغم معارضتنا وحمّلتوا الخسارة للخزينة من الـ 94”
في موضوع بواخر الكهرباء تحداكم:
“‏السارق بيخاف من التدقيق ومن فتح الملفات، والآدمي بيفرح فيهم… فهمتموا ليش نحنا منروح عالقضاء مرتاحين حتى لو حاولوا تركيب ملفات علينا، وما منخاف لأن ما في علينا شي، ولأنو الحقيقة، ولو حاولوا تزويرها، ما بتتغيّر”
وفهمتموا ليش بيهربو وبيخافوا من القضاة الأوادم؟ نحنا رح نضلّ نلاحق ملف البواخر لنعرف الحقيقة حول أي عمولة. ورح ندحض كل تركيباتهم بالوقت المناسب.”
في موضوع انفجار المرفأ تحداكم:
“‏رح نضطر للمطالبة بلجنة تحقيق دولية بإنفجار مرفأ بيروت اذا ما كشف التحقيق اللبناني حقائق التفجير بعد سنة من حصوله… مسرحيّة اتّهامنا وتحميل بعض الموظفين مسؤولية القتل عمداً او قصداً انتهت وهلق بدأ مع القاضي بيطار مسار جديد”… ونحن بانتظاره
في موضوع الحكومة تحداكم:
‏ولا مرّة نحنا طرحنا بهالحكومة موضوع التلت زائد واحد؛ كنّا بس عم نسأل مين بيسمّي الوزراء المسيحيين، وهنّي بدّن يسمّوا المسيحيين بالعدد يلّي بيوصلّهم للنصف زائد واحد. نحنا منريد سعد الحريري اليوم رئيس للحكومة ليتحمّل المسؤوليّة وما يهرب متل ما هرب بعد 17 تشرين، وهوي مكلّف ومرّت ستة اشهر على تكليفه. فخلليه يألف.
في موضوع النفط والغاز تحداكم: ما حدا من اللبنانيين عم يسعى لخلق مزارع شبعا بحريّة. وبنفس الوقت، مش من الحكمة انّو نبقى على الخط السابق 23 طالما الاسرائيلي ما عم يعطينا ايّاه، والتخاذل بيكون بأنّو ما نعمل كلّ شي ممكن لنحصّل بالقليلة الحقل الحدودي بالبلوك 9. الموضوع هو اذاً للتفاوض ومش للحرب!
في كل العناوين تحداكم جبران باسيل اليوم. فهل تكونون ولو لمرة، على مستوى التحدي؟
هذا هو السؤال الكبير الذي يُفترض ان يطرحه كل لبناني بكل جرأة وصراحة بعد الذي سمعه اليوم…

WP Twitter Auto Publish Powered By : XYZScripts.com